ज्या शेतकऱ्यांचा उदरनिर्वाह फक्त शेतीवर अवलंबून आहे, अशा शेतकऱ्यांसाठी हि योजना फायदेशीर ठरणार आहे. योजना सुरु झाल्यापासून हजारो शेतकऱ्यांनी यासाठी नोंदणी केली आहे.
योजनेचा फायदा काय?
शेतकऱ्यांनी Farmer Pension Scheme योजनेसाठी नोंदणी केली तर शेतकऱ्यांना प्रति महिना 3000 रु. याप्रमाणे प्रतिवर्षी 36,000 रु. थेट त्यांच्या बँक खात्यात मिळणार आहे.
Farmer Pension Scheme या योजनेसाठी आवश्यक पात्रता
- या योजनेस पात्र ठरण्यासाठी तुम्ही शेतकरी असणे आवश्यक आहे.
- पीएम शेतकरी मानधन योजनेसाठी शेतकऱ्याचे वय 18 ते 40 वर्ष यामधील असणे आवश्यक आहे.
Farmer Pension Scheme योजनेसाठी खर्च किती येईल ?
या योजनेसाठी शेतकऱ्यांना काही ठराविक रक्कम अगोदर जमा करावी लागेल. किती रक्कम जमा करावी लागेल, याच्या मार्गदर्शनासाठी खालील दिलेला तक्ता काळजीपूर्वक अभ्यासा.
| लाभार्थी शेतकऱ्याचे योजनेत भाग घेतानाचे वय | लाभार्थी शेतकऱ्याने भरावयाचा मासिक हप्ता रुपये |
| 18 | 55 |
| 19 | 58 |
| 20 | 61 |
| 21 | 64 |
| 22 | 68 |
| 23 | 72 |
| 24 | 76 |
| 25 | 80 |
| 26 | 85 |
| 27 | 90 |
| 28 | 95 |
| 29 | 100 |
| 30 | 105 |
| 31 | 110 |
| 32 | 120 |
| 33 | 130 |
| 34 | 140 |
| 35 | 150 |
| 36 | 160 |
| 37 | 170 |
| 38 | 180 |
| 39 | 190 |
| 40 | 200 |
Farmer Pension Scheme योजनेसाठी नोंदणी कशी कराल ?
- जर आपणास या योजनेसाठी नोंदणी करावयाची असेल तर आपण आपल्या गावातील किंवा शेजारील कॉमन सर्व्हिस सेंटर [CSC] केंद्रावर जाऊन याची नोंदणी करू शकता.
- नोंदणीसाठी आपल्याकडे स्वतःचे Aadhar Card, 2 पासपोर्ट साईज फोटो आणि बँक पासबुक असणे आवश्यक आहे.
- नोंदणी झाल्यावर प्रत्येक शेतकऱ्याचा एक पेन्शन युनिक नंबर व पेन्शन कार्ड बनवण्यात येईल.
काही महत्वपूर्ण सूचना
- नॅशनल पेन्शन स्कीम, कर्मचारी राज्य वीमा निगम आणि कर्मचारी भविष्य निधि [EPFO] योजनेअंतर्गत येणारे लोक प्रधान मंत्री किसान मानधन योजना [Pradhan Mantri Kisan Maandhan yojana] साठी पात्र असणार नाही.
- वयाची 60 वर्ष पूर्ण झाल्यावर नोंदणीकृत शेतकऱ्याला प्रति महिना 3000 रुपये म्हणजेच 36,000 रुपये प्रति वर्ष पेन्शन सुरु होईल.
- जर एखाद्या शेतकऱ्याला प्रधान मंत्री किसान मानधन योजना [Pradhan Mantri Kisan Maandhan yojana] मध्येच खंडित करण्याची इच्छा असेल तर त्या शेतकऱ्याचे पैसे बुडणार नाही. त्या शेतकऱ्याची जितकी रक्कम या खात्यात जमा झाली असेल ती रक्कम व त्यावर बँकांच्या बचत खात्याच्या समान व्याज देखील मिळेल.
✅ फार्मर पेन्शन स्कीम म्हणजे नेमके काय?
फार्मर पेन्शन स्कीम म्हणजेच प्रधान मंत्री किसान मानधन योजना.
✅ या योजनेचे काय काय फायदे आहेत?
जर आपण या योजनेसाठी नोंदणी केली तर आपल्याला प्रति महिना 3000 रु. याप्रमाणे दरवर्षी 36000 रु. थेट आपल्या बँक खात्यात मिळतील.
✅ या योजनेसाठी नोंदणी कशी करावी?
आपण आपल्या जवळील कॉमन सर्व्हिस सेंटर [CSC] ला भेट देऊन त्यांच्यामार्फत या योजनेसाठी नोंदणी करू शकता.
✅ या योजनेसाठी नोंदणी करण्यासाठी काय काय पात्रता धारण करणे आवश्यक आहे.
या योजनेसाठी पात्र ठरण्यासाठी आपल्याला काही निकष पूर्ण करणे आवश्यक आहे, ते खालीलप्रमाणे –
✔ या योजनेस पात्र ठरण्यासाठी आपण शेतकरी असणे आवश्यक आहे.
✔ आपले वय किमान 18 ते कमाल 40 वर्ष यामधील असणे आवश्यक आहे.
✅ या योजनेसाठी नोंदणी करण्याकरिता काय काय कागदपत्रे आवश्यक आहेत?
या योजनेसाठी नोंदणी करण्याकरिता आपल्याकडे आधार कार्ड, स्वतःचे 2 फोटो आणि बँक पासबुक असणे आवश्यक आहे.
✅ या योजनेसाठी पात्र ठरण्यासाठी मला काही रक्कम द्यावी लागेल का?
हो, या योजनेसाठी पात्र ठरण्यासाठी आपल्याला दरमहा काही रक्कम द्यावी लागेल. ती रक्कम थेट आपल्या बँक खात्यातून वजा केली जाईल. किती रक्कम द्यावी लागेल, याच्या माहितीसाठी आम्ही एक तक्ता उपलब्ध करून दिला आहे. त्याचे जरूर अवलोकन करा.
✅ जर मला हि योजना मध्येच खंडित करावयाची असेल तर मी ती करू शकतो का? आणि मग माझ्या पैशाचे काय?
जर आपल्याला हि योजना मध्येच खंडित करावयाची असेल तर आपण ती मध्येच खंडित करू शकता. या योजनेत आपण जितकी रक्कम गुंतवली असेल ती रक्कम आणि त्यावर बँकाच्या बचत खात्याच्या समान व्याज देखील आपल्याला मिळेल.