What is Boxing Day Test Match - बॉक्सिंग डे टेस्ट मॅच म्हणजे काय? हे आपण आजच्या या लेखात जाणून घेणार आहोत. नक्की वाचा...
What is Boxing Day Test Match
बॉक्सिंग डे टेस्ट मॅच हा शब्द आपण नक्कीच कधी ना कधी ऐकलाच असेल. हा शब्द ऐकल्यावर आपणाला देखील असाच प्रश्न निर्माण झाला असेल कि, नेमके हे बॉक्सिंग डे टेस्ट मॅच म्हणजे काय? आपण वन डे मॅच, टेस्ट मॅच, ट्वेन्टी-ट्वेन्टी मॅच ऐकले असेल, आणि त्याबद्दल आपल्याला माहितीही असेल. बहुतेक व्यक्तींना अशी उत्कंठा असेल कि, बॉक्सिंग डे टेस्ट मॅच म्हणजे काय? तर आजच्या या लेखात आपण याबद्दल अगदी सविस्तर माहिती अभ्यासणार आहोत.
चला तर मग सुरु करूया आजच्या लेखाला...
ज्या ज्या वेळी बॉक्सिंग डे कसोटी सामन्याची चर्चा होते, त्यावेळी प्रत्येकाच्या मनात हा प्रश्न निर्माण होतो कि हे "बॉक्सिंग डे टेस्ट मॅच" प्रकरण आहे तरी काय? अन्य टेस्ट मॅच आणि बॉक्सिंग डे टेस्ट मॅच यामध्ये काय फरक असतो? असे एक ना अनेक प्रश्न सर्वांच्याच मनात निर्माण होतात.
बॉक्सिंग डे टेस्ट मॅच म्हणजे काय?
जगभरात अनेक देशात ख्रिसमस म्हणजेच नाताळच्या दुसऱ्या दिवसाला (26 डिसेंबर) बॉक्सिंग डे असे म्हणतात. त्यादिवशी मेलबर्नमध्ये कसोटी सामन्याची सुरुवात केली जाते. म्हणूनच त्या कसोटीला 'बॉक्सिंग डे कसोटी सामना' असे संबोधले जाते. तसं बघितले तर बॉक्सिंग या खेळाचा व बॉक्सिंग डेचा काहीही संबंध नाही. बॉक्सिंग डे कसोटी सामना फक्त मेलबर्नच्याच मैदानावर खेळवला जातो, हे विशेष...! "बॉक्सिंग डे टेस्ट मॅच" ची सुरुवात इंग्लंड आणि दक्षिण आफ्रिका या दोन संघांत 1913 मध्ये जोहान्सबर्ग येथे झाली होती.
हे वाचा - दिवाळी का साजरी करतात? काय आहे दिवाळी सणाचे महत्व...
बॉक्सिंग डे साजरा करण्यामागचे कारण
असे मानले जाते कि ख्रिसमस हा सण उत्साही व आनंदमय वातावरणात साजरा करण्यासाठी कंपन्या आपल्या कर्मचाऱ्याना मिठाईचे मोठमोठे बॉक्स किंवा अन्य भेटवस्तू देत असतात. हे देताना ते एखाद्या बॉक्समध्ये देतात. त्यामुळेच 26 डिसेंबर हा दिवस "बॉक्सिंग डे" दिवस म्हणून साजरा केला जातो.
सर्वसाधारणपणे ख्रिसमस आणि नवीन वर्षानिमित्त बहुतेक ठिकाणी याकाळात सुट्टी असते. त्यामुळे लोक एन्जॉय करण्यासाठी घराबाहेत पडतात. यावेळी सगळीकडे आनंदी वातावरण असते. त्यामुळे क्रिकेट सामना बघण्यासाठी येणाऱ्यांची संख्यासुद्धा जास्त असते. याचेच औचित्य साधून मेलबर्न या ठिकाणी ख्रिसमसच्या दुसऱ्या दिवशी म्हणजेच 26 डिसेंबरला क्रिकेट सामना खेळवला जातो, या सामन्यालाच "बॉक्सिंग डे कसोटी सामना" असे संबोधले जाते.
जगभरात भरपूर ठिकाणी "बॉक्सिंग डे" हा दिवस ‘स्टीफन डे’म्हणूनही ओळखला जातो. कॅटलोनिया, आयर्लंड आणि स्पेन येथे हा दिवस 'सेंट स्टीफन डे' म्हणून साजरा केला जातो.
हे वाचा - समुद्री लुटेरे किंवा चाचे डोळ्यावर काळी पट्टी का लावतात? तुम्हाला आहे का माहित...
तर मित्रांनो, आम्हाला खात्री आहे कि आता आपल्याला समजलेच असेल कि, बॉक्सिंग डे टेस्ट मॅच म्हणजे काय? जर आपल्या अजून काही शंका असतील तर खालील कमेंट बॉक्समध्ये आपण कमेंट करू शकता. आम्ही त्याचे नक्की निराकरण करू.
जर आपल्याला हा लेख आवडला असेल तर आपल्या मित्र-मैत्रिणींना अवश्य शेअर करा. अशाच प्रकारच्या नवीनतम व दर्जेदार माहितीसाठी वेळोवेळी आमच्या www.Netmarathi.com या वेबसाईटला भेट द्या.