आपल्या दैनंदिन जीवनात आपण जेवण झाल्यावर अनेक लहान मोठ्या चुका करतच असतो. त्याचा आपल्या आरोग्यावर विपरीत परिणाम होतो. जर आपण याकडे वेळीच लक्ष दिले नाही, तर मोठी हानी होण्याचा संभव असतो. आज या लेखाच्या माध्यमातून आम्ही आपल्याला अशाच काही चुकांविषयी माहिती सांगणार आहोत, कि ज्या आपण जेवण झाल्यावर हमखास करतो. या लेखाच्या मदतीने आपण त्या चुका जाणूनही घेऊ शकता व त्या चुका टाळूही शकता.
जेवण झाल्यावर जर आपण या चुका करत असू, तर आपल्याला शारीरिक तसेच मानसिक त्रास होण्याचा संभव असतो. त्यामुळे आपण याकडे वेळीच लक्ष देऊन अधिक दक्ष राहिले पाहिजे. ज्या चुकांविषयी आपण या लेखात माहिती जाणून घेणार आहोत, त्या खालीलप्रमाणे…
अंघोळ करणे
अनेक लोक जेवण झाल्यावर अंघोळ करतात. मात्र असे करणे हे अतिशय धोक्याचे आहे. कारण जर आपण जेवण झाल्यावर लगेच अंघोळ केली तर आपल्या पचनक्रियेवर विपरीत परिणाम होऊ शकतो. त्यामुळे अंघोळ झाल्यावरच जेवण करणे 😇 आपल्या हिताचे आहे. शक्यतो अंघोळ करण्याच्या अगोदर जेवण करणे आपण टाळायलाच हवे.
झोप
बहुतेक लोक दुपारचे किंवा रात्रीचे जेवण झाल्यावर लगेच 😴 झोपायला जातात. परंतु हि काही चांगली सवय नाही. याचा अतिशय वाईट परिणाम आपल्या आरोग्यावर होतो. जेवण झाल्यावर लगेच झोपल्यामुळे पचनक्रिया व्यवस्थित पूर्ण होत नाही व अन्नही पूर्ण पचत नाही.
आपल्याला झोपायाचेच असेल तर थोडा वेळ थांबून मग आपण झोपलेले केंव्हाही चांगले. शक्यतो जेवण झाल्यावर थोडसं चालणे, फिरणे अशा कृती फायदेशीर ठरू शकतात.
पाणी पिणे
बहुतेक लोक जेवण करताना तसेच जेवण झाल्यावर लगेच भरपूर पाणी पितात. परंतु असे करण्याने अन्न व्यवस्थितपणे पचत नाही. त्यामुळे जेवण करताना फक्त एक ते दोन घोट पाणी पिणे संयुक्तिक ठरेल. आपले जेवण झाल्यावर अर्ध्या तासाने पाणी पिणे योग्य ठरेल. त्यामुळे लगेच जेवण झाल्यावर पाणी पिऊ नका. पाणी पितानाही ते अति थंड नसावे.
फळे खाणे
बहुतेक लोकांना जेवण झाल्यावर फळे 🌰 खाण्याची सवय असते. मात्र हे आपल्या आरोग्यासाठी अतिशय हानिकारक असते. जेवण झाल्यावर लगेच फळांचे सेवन केले तर त्यामुळे ऍसिडिटी वाढण्याचा धोका उत्पन्न होतो. त्यामुळे शक्यतो जेवण झाल्यावर फळांचे सेवन करणे टाळणे आपल्या हिताचे ठरेल.
चहा किंवा कॉफी पिणे
जेवण झाल्यावर बहुतेक घरात चहा 🍵 किंवा कॉफीचे सेवन केले जाते. आपण हे पाहिलेच असेल, बहुतेक घरात हि परंपरा असतेच. मात्र जर जेवण झाल्यावर लगेच चहा किंवा कॉफीचे सेवन केले तर अपचन तसेच गॅसेसचे आजार बळावतात.
जेवण झाल्यावर लगेच पाणी, चहा किंवा कॉफी यांचे सेवन अनेक आजाराला आमंत्रण ठरते. त्यामुळे जेवण झाल्यावर चहा किंवा कॉफीचे सेवन टाळलेलेच बरे…
तर मित्रांनो, या होत्या काही चुका ज्या आपण जेवण झाल्यावर हमखासपणे कळत-नकळतपणे करत असतो. या चुका आपण वेळीच ओळखून त्या टाळल्या नाही तर आपल्या विविध समस्यांना तोंड द्यावे लागते. त्यामध्ये पचनाच्या समस्या, पोटाच्या तक्रारी, वारंवार तब्येत बिघडणे यांचा समावेश होतो.
त्यामुळे वरील चुका आपण टाळल्या तर निश्चितच त्याचा आपल्याला व आपल्या प्रकृतीला फायदा झाल्याशिवाय राहणार नाही.
आम्हाला आशा आहे कि, आम्ही दिलेली माहिती आपल्याला नक्कीच आवडली असेल. जर आपल्याला हि माहिती आवडली असेल आणि या माहितीने आपल्याला काही फायदा झाला असेल तर हि माहिती आपल्या मित्र-मैत्रिणींना अवश्य शेअर करा.
आपल्या या लेखाबद्दल काही शंका किंवा प्रश्न असतील तर ते आपण खालील कमेंट बॉक्समध्ये जरूर नमूद करा. आम्ही त्याचे लवकरात लवकर निराकरण करू. अशाच दर्जेदार व फायदेशीर माहितीसाठी वेळोवेळी आमच्या www.Netmarathi.com या वेबसाईटला भेट द्या.
Net Marathi चे नवीन अपडेट्स लवकरात लवकर मिळविण्यासाठी आमचे टेलिग्राम चॅनेल लगेच जॉईन करा. https://t.me/NetMarathi